Aiāiga o le Aoina o Foaʻi ma le Maliega Faaletulafono

Faasilasilaga mo le Aoina o Faamatalaga e Patino i se Tasi

O lou faia o se foa'i po o se faafesili, o le a e saunia mai ai i le Christian Congregation of Jehovah’s Witnesses (ABN 94 315 750 845) faamatalaga e patino iā te oe, e pei o lou suafa ma le auala e faafesoota'i ai oe. E te ono saunia mai fo'i ni faamatalaga e maʻaleʻale. O se faata'ita'iga, o le faailoa mai lea po o e filifilia lau faapotopotoga po o la outou matagaluega, e alu aga'i i ai lau foa'i.

E matou te aoina faamatalaga patino mai iā te oe ina ia:

faagaoioia ai lau foa'i;
fesoota'i ai ma oe e tusa ai o lau foa'i, e ui e matou te lē faafesoota'ia atu oe ina ia faia nisi foa'i faaopoopo;
faagaoioia ai a matou faamatalaga tautupe e fesoota'i atu i lau foa'i;
taliina ai ni au fesili po o sau faaseā fo'i.

A itiiti mai, e fitu tausaga e matou te teuina ai faamatalaga tautupe, e aofia ai faamaumauga o foa'i e faia e ala i le initaneti, ina ia ōgatusa ai ma taʻiala tautupe ma taliina ai so o sau fesili e tula'i mai i lenā taimi.

Pe afai e te lē tuuina mai nisi o faamatalaga po o faamatalaga uma na matou talosagaina atu, e ono lē mafai la ona faagaoioia lau foa'i pe taliina fo'i fesili po o se faaseā e tuuina mai.

E matou te ono faailoa atu faamatalaga e patino iā te oe i nisi o loo fesoasoani e faagaoioia a matou foa'i. E matou te ono lē faailoa atu faamatalaga e patino iā te oe, i se vaega e mauaina lau foa'i i se isi atunuu, ae e ono teuina nisi o faamatalaga e patino iā te oe, i servers i fafo atu o Ausetalia, atonu i le Iunaite Setete o Amerika.

O loo iai i la matou maliega faaletulafono, faamatalaga i le auala e mafai ona e mauaina pe faasa'o ai ni faamatalaga o loo iā i matou e faatatau iā te oe. O loo iai fo'i faamatalaga i le auala e faia ai sau faaseā i se ta'iala ua solia o le Australian Privacy Principles, ma le auala o le a matou taulimaina ai lau faaseā.

Faamatalaga e faafesoota'i ai matou:

Data Protection Contact
Christian Congregation of Jehovah’s Witnesses
PO Box 280, Ingleburn NSW 1890
Australia

Maliega Faaletulafono

E taumafai malosi le Christian Congregation of Jehovah’s Witnesses (ABN 94 315 750 845) (CCJW) e puipuia faamatalaga e patino iā te oe. E tāua tele iā i matou le saogalemu ma le malupuipuia o faamatalaga e patino iā te oe.

O loo iai i lenei maliega faaletulafono faamatalaga i le auala e matou te aoina, taulimaina ma puipuia ai faamatalaga e patino iā te oe. O loo ta'ua ai fo'i mea e mafai ona e faia pe a iai sau fesili pe fia faia foʻi sau faaseā.

I lenei maliega faaletulafono, o faaupuga “faamatalaga e patino” (personal information) ma le “faamatalaga faatapulaaina” (sensitive information), e maua mai o la faamatalaga atili i le Privacy Act 1988 (Cth). O faamatalaga e patino i se tasi, e aofia ai faamatalaga po o se manatu, e tusa pe e sa'o pe e sesē, e faatatau i se tasi ua manino ona faailoaina mai pe e leai fo'i. O faamatalaga faatapulaaina, e aofia ai faamatalaga e faatatau i le ituaiga e tupuga mai ai se tasi, o ona talitonuga faalelotu, ma isi mataupu e fesoota'i i ai. O le upu “upega tafa'ilagi” e aofia ai le jw.org ma isi upega tafa'ilagi e fesoota'i i ai (e pei o le apps.jw.org, tv.jw.org, stream.jw.org, ma le wol.jw.org) lea e ana e le Watchtower Bible and Tract Society of New York, Inc. (WT-New York). Pe afai e iai ni au fesili e faatatau i le maliega faaletulafono o le WT-New York, faamolemole taga'i i maliega o loo i le jw.org.

O le faaaogāina o nei upega tafa'ilagi po o le tuuina mai fo'i o faamatalaga e patino iā te oe ma faamatalaga e faatapulaaina, ua faailoa mai ai ua e malie e matou te aoina, teuina, faaaogā ma faailoa atu faamatalaga e patino iā te oe, e pei ona faamatalaina ai i lenei maliega faaletulafono.

AOINA, FAAAOGĀ, MA LE FAAILOA ATU O FAAMATALAGA E PATINO I SE TASI

E pau le māfuaaga e matou te aoina, teuina, faaaogā ma faailoa atu ai faamatalaga e patino iā te oe, pe afai e mana'omia ina ia faataunuuina ai a matou galuega faaletapua'iga ma galuega fesoasoani.

O le auala autū e matou te maua ai faamatalaga patino (e aofia ai ma faamatalaga faatapulaaina) e faatatau iā te oe, pe afai na e tuuina mai na faamatalaga iā i matou, ma pe afai na e tuuina mai fo'i e ala i se tasi o matou upega tafa'ilagi. O se faata'ita'iga, pe afai e te faaaogāina le apps.jw.org e faia ai se foa'i i le Initaneti, i se faapotopotoga po o se matagaluega i Ausetalia.

O faamatalaga patino na tuuina mai iā i matou, o le a faaaogāina mo fuafuaga na faailoa atu iā te oe ina ua e tuuina mai na faamatalaga. O na fuafuaga e aofia ai vala nei:

Foa'i. Pe afai e te faaaogāina se tasi o upega tafa'ilagi (e pei o le apps.jw.org) ina ia faia ai se foa'i tautupe i se faapotopotoga po o se matagaluega i Ausetalia, o le a matou tāpā faamatalaga e pei o lou suafa, le auala e faafesoota'i ai oe, ma faamatalaga o lau credit card ma isi auala e faia ai au foa'i. Ina ia talia foa’i o loo faia e faaaogā ai se credit card, e matou te faaaogāina accredited online payment processing services lea e matuā malupuipuia ma e faaaogā ai data privacy policies. E matou te ono mauaina faamatalaga tautupe, e pei o le numera o le credit card po o le debit card, lea e mana'omia ina ia faagaoioia ai lau foa'i, ma lafo atu faamatalaga mana'omia iā i latou o loo faia lea auaunaga. E matou te lafoina atu le aofa'iga atoa o lau foa'i i le faapotopotoga po o le matagaluega na e filifilia. Peita'i, e matou te lē faailoa atu faamatalaga e patino iā te oe, i le faapotopotoga po o le matagaluega na e filifilia e alu i ai lau foa'i.

A itiiti mai, e fitu tausaga e matou te teuina ai faamaumauga o faamatalaga tautupe. O le faia faapea, e mafai ai ona matou gaoioi e ōgatusa ai ma ta'iala tautupe ma taliina ai so o sau fesili e tula'i mai i lenā taimi. O le a matou “lē” faafesoota’iina atu oe ina ia faia nisi foaʻi faaopoopo.

Isi Fuafuaga. E te ono tuuina mai faamatalaga patino (e pei o lou suafa, o le tuatusi o lau pusa meli, ma numera o le telefoni) mo nisi fuafuaga e ese mai i le faia o se foa’i. I nei tulaga ta’itasi, o le a faailoa manino atu iā te oe le fuafuaga e talosagaina ai oe e tuuina mai na faamatalaga.

E matou te aoina, teu, faaaogā ma faailoa atu faamatalaga e patino iā te oe, mo le fuafuaga autū lava na aumaia ai na faamatalaga, pe i se isi fo’i fuafuaga e fesoota’i atu i le fuafuaga autū, ma na e faatalitalia e faaaogāina ai au faamatalaga patino. I le tulaga o faamatalaga e faatapulaaina, e faato’ā matou faailoa atu lava na faamatalaga mo se isi fuafuaga, pe afai e fesoota’i “tuusa’o” atu i le fuafuaga autū na aumaia ai.

E matou te ono faaaogā pe faailoa atu faamatalaga e patino iā te oe pe a: (1) mana’omia ona faia faapea ina ia mafai ai ona faagaoioia lau foa’i, pe saunia le auaunaga o loo e talosagaina, ma ua faailoa atu lea tulaga iā te oe; (2) matou iloa e mana’omia le faia faapea ina ia ōgatusa ma a matou tuutuuga faaletulafono; (3) matou iloa e mana’omia i gaoioiga e fesoota’i atu i le faamalosia o le tulafono; po o le (4) manaʻomia ina ia iloa ma ‘alofia ai faiga faagaoi auā tulaga tau i le malupuipuia ma le saogalemu.

O faamatalaga e te saunia mai pe a faia lau foa’i, po o faamatalaga fo’i e te tuuina mai mo isi fuafuaga, e mafai ona maua e i latou o loo galulue e saunia isi auaunaga faapitoa ina ia sologa lelei ma faatumauina le lelei o matou galuega (IT). O so o se faamatalaga e te tuuina mai e patino iā te oe, e lē faatauina atu, fesuia’ia pe nonō atu i se isi, e tusa lava po o le ā le tulaga.

E ese mai i fuafuaga ua ta’ua i luga, e faato’ā mafai ona faailoa atu faamatalaga e patino iā te oe i se vaega lona tolu (third party), pe afai e te malie e faia faapea ma pe afai e faatagaina e tusa ai ma le Australian Privacy Principles.

E matou te teuina faamatalaga mo na o le umi lava e mana’omia ai mo na fuafuaga, po o isi fo’i fuafuaga talafeagai e ono mana’omia ai.

O oe e faia le faaiʻuga i taimi uma lava, po o le ā le tele o faamatalaga e te mana’o e tuuina mai iā i matou. Faamolemole, e lelei ona e silafia, pe afai e te lē finagalo e tuuina mai faamatalaga e patino iā te oe o loo matou talosagaina atu, e ono lē mafai la ona matou faagaoioia lau foa'i pe taliina sau talosaga po o se fesili e tuuina mai.

FAAMATALAGA PATINO A SE TASI UA FAAILOA ATU I SE ISI ATUNUU

E tusa ai o foa’i e faia i le Initaneti ma nisi faafesili, e lē masani ona matou faailoa atu faamatalaga e patino iā te oe i nisi o loo i se isi atunuu e mauaina lau foa’i. Peita’i, o nisi o servers o loo faagaoioia a matou upega tafa’ilagi, o loo iai i le Iunaite Setete o Amerika.

E iai taimi e matou te ono faailoa atu ai faamatalaga e patino iā te oe i nisi i fafo atu o Ausetalia (o se faata’ita’iga, ina ia faagaoioia ai se talosaga na e tuuina mai), atonu e aofia ai ma nisi o atunuu e ese a latou tulafono o le data/privacy protection mai i data/privacy protection a Ausetalia. Faamolemole mātau, pe afai na faia lau foaʻi i nisi o loo i se isi atunuu, ma ua latou solia se tuutuuga o loo i le Australian privacy laws, e lē tuuaʻia la i matou e tusa ai o aiāiga o loo taʻua i le Privacy Act, ma e lē mafai ona e saʻili e faia faapea e tusa ai o le Privacy Act. O lou asia o la matou upega tafa’ilagi ma lou fesoota’i mai iā i matou (e ala mai i se masini faaonapōnei po o se isi auala), e faailoa mai ai ua e malie e faailoa atu faamatalaga e patino iā te oe i isi o loo i atunuu i fafo atu.

TEUINA MA LE PUIPUIA O FAAMATALAGA

E matou te matuā faatāua le malupuipuia o faamatalaga e patino iā te oe. E matou te faaaogā auala saogalemu ma teuina faamatalaga lata mai ina ia puipuia ai faamatalaga e patino iā te oe, mai i le mauaina e se tasi e le’i iai se faatagaga, faaaogā ma faailoa atu i se auala lē talafeagai, fetuuna’i e aunoa ma se faatagaga, faaleaogāina faasolitulafono, pe leiloa faafuasei fo’i. E matou te teuina faamatalaga e patino ia te oe, mo na o le umi e mana’omia ai mo fuafuaga na aoina mai ai, ma e ōgatusa ma so o se tulafono ma aiāiga i le lipotia, faapea le faaaogāina ma le teuina o faamatalaga tāua.

E matou te faaaogā polokalame faakomepiuta e faatapulaa i latou e faaaogāina, ma a matou lava masini ma polokalame faaonapōnei, faapea auala malupuipuia ina ia faamautinoa ai le saogalemu ma le puipuia o faamatalaga e tuuina mai iā i matou. E matou te matuā faatāua ta’iala mo le saogalemu, ina ia ‘alofia ai le mauaina e se isi o nei faamatalaga e aunoa ma se faatagaga.

MAUAINA MA LE FAASA’O O FAAMATALAGA PATINO A SE TASI

E matou te faia taumafaiga malolosi ina ia faamautinoa o faamatalaga o loo matou teuina e faatatau i se tasi, o ni faamatalaga e sa’o ma lata mai, ma e ōgatusa ma fuafuaga na aoina mai ai. E iai lau aiā tatau e talosagaina ai lou mauaina pe faasa’o faamatalaga patino e faatatau iā te oe o loo iā i matou, e ala i le faafesoota'i mai o i matou. O le a matou talosagaina oe e faamaonia mai oe lava, a o matou le’i taliina lau talosaga. O le a matou tali atu i lau talosaga i le vave e mafai ai.

FAAFESILI PO O SE FAASEĀ

Pe a iai nisi au fesili e tusa ai o matou maliega faaletulafono, pe e te manatu fo’i ua matou lē usitaʻia aiāiga o loo i le Privacy Act 1988 (Cth) e faatatau i faamatalaga e patino iā te oe, ma ua e finagalo e tuuina mai sau faaseā, faamolemole faafesoota’i le:

Data Protection Contact
Christian Congregation of Jehovah’s Witnesses
PO Box 280, Ingleburn NSW 1890
Australia

Pe afai na tuuina mai sau faaseā, o le a matou iloilo lau faaseā ma tali atu iā te oe i le vave e mafai ai. Pe afai e lē faamalieina oe i le auala na matou taulimaina ai lau faaseā e tusa ai o mataupu e fesoota’i atu i faamatalaga e patino iā te oe, e mafai ona e tuuina atu lau faaseā i le Office of the Australian Information Commissioner (OAIC).

TOE TEUTEUGA I LENEI PRIVACY POLICY

E ono teuteuina lenei maliega faaletulafono mai i lea taimi i lea taimi. Pe afai e mana’omia ona suia lenei maliega, o le a tuuina i luga o le jw.org le toe teuteuga o lenei maliega ina ia e silafia ai faamatalaga ua matou aoina, ma le auala fo’i o loo matou taulimaina ai. Faamolemole, ia fai ma siaki mai ina ia iloa ai po ua toe teuteuina lenei maliega.

Māeʻa ona lafo atu le talosaga.