Маалымат чогултуу тууралуу билдирүү жана Купуялуулук саясаты

Жеке маалыматты чогултуу жөнүндө билдирүү

Тартуу кылыш үчүн же суроо бериш үчүн сиз Жахабанын Күбөлөрүнүн жыйналышына (ABN 94 315 750 845) жеке маалыматыңызды, мисалы, аты-жөнүңүздү, байланыш дарегиңизди беришиңиз керек болот. Ошондой эле сизден купуя маалымат, алсак, жергиликтүү жыйналышты же районду кабыл алуучу тарап катары тандаганыңыз жөнүндө маалымат берүү талап кылынышы мүмкүн.

Маалыматтар төмөнкүлөр үчүн колдонулат:

тартууңузду иштетүү;
тартууга байланыштуу суроолор боюнча сиз менен байланышуу (бирок, албетте, андайда дагы тартуу кылышыңызды сураныш үчүн байланышпайбыз)
биздин аккаунтту жана администрациялоо функцияларын сиздин тартууңузга ылайык жөндөө;
сиздин суроолоруңузга же нааразычылыктарыңызга жооп берүү.

Акча-каражатка байланыштуу транзакцияларын, анын ичинде онлайн тартууларга байланыштуу маалыматты, жок эле дегенде, жети жыл сактайбыз. Муну эсеп-кысаптын стандарттарына жараша иш кылуу үчүн жана ошол жылдар аралыгында сизде пайда болгон суроолорго жооп берүү үчүн кылабыз.

Эгер сиз биз сураган айрым же бардык маалыматтарды бере албасаңыз, тартууңузду иштетүү же суроолоруңузга, нааразычылыктарыңызга жооп берүү мүмкүн болбой калат.

Тартууларыбызды иштетүүгө жардам берген үчүнчү жактарга жеке маалыматыңызды ачып беришибиз мүмкүн. Бирок жеке маалыматыңызды океандын ары жагындагы кабыл алуучу тараптарга ачып бербейбиз. Анткен менен жеке маалыматыңыздын айрымдары Австралиядан сырткаркы жерлерде, көбүнчө Америка Кошмо Штаттарынын серверлеринде сакталышы мүмкүн.

Купуялуулук саясатыбызда бизде топтолгон жеке маалыматыңызга кантип кирсеңиз же аны кантип өзгөртсөңүз болору тууралуу жазылган. Ошондой эле ал жактан Австралиянын Купуялуулук принциптеринин бузулуп жатканына байланыштуу нааразычылыктарыңызды кантип билдирсеңиз болору жана биздин аларды кантип чечип берерибиз жөнүндө да окусаңыз болот.

Байланышуу дарегибиз:

Маалыматты коргоо үчүн байланышуу:
Жахабанын Күбөлөрүнүн жыйналышы
PO Box 280, Ingleburn NSW 1890
Австралия

Купуялуулук саясаты

Жахабанын Күбөлөрүнүн жыйналышы (ABN 94 315 750 845) (CCJW) купуялуугуңузду сактоого жана сыйлоого умтулат. Биз сиздин жеке маалыматыңыздын коопсуздугуна жана купуялуулугуна абдан олуттуу карайбыз.

Бул купуялуулук саясаты жеке маалыматты кантип чогултуп, иштетип, сактаарыбыз жөнүндө маалыматты камтыйт. Ошондой эле анда суроолоруңуз болсо же арыздангыңыз келсе, эмне кылуу керектиги баяндалат.

Бул саясаттагы “жеке маалымат” жана “купуя маалымат” деген сөздөр 1988-жылдын купуялуулук тууралуу мыйзамында (Cth) көрсөтүлгөн мааниге ээ. Жеке маалыматка аныкталган же акылга сыярлык деңгээлде аныкталган адам жөнүндө, калппы же чынбы, маалымат же көз караш кирет. Купуя маалымат адамдын расалык жек этникалык тегине, диний ишенимине же кайсы динге таандык экенине байланыштуу маалыматты камтыйт. “Веб сайт(тар)” деген сөзгө Күзөт мунарасы, Ыйык Китеп жана баракчалар коомуна (Нью-Йорк) (WT-New York) таандык jw.org жана ага байланыштуу сайттар (мисалы, donate.jw.org, tv.jw.org, stream.jw.org жана wol.jw.org) кирет. Ал коомдун саясатына байланыштуу суроолоруңуз болсо, jw.org сайтында тизмеленген саясаттарды көрүңүз.

Веб-сайттарды колдонуу менен же жеке жана/же купуя маалыматыңызды берүү менен, сиз ушул саясатта айтылгандай жеке маалыматыңызды чогултууга, сактоого, пайдаланууга жана ачыкка чыгарууга макулдугуңузду бергениңизди көрсөтөсүз.

ЖЕКЕ МААЛЫМАТТЫ ЧОГУЛТУУ, КОЛДОНУУ ЖАНА АЧЫККА ЧЫГАРУУ

Биз жеке маалыматты диний жана кайрымдуулук максатта иштетүү үчүн зарыл болгон деңгээлде гана чогултабыз, сактайбыз, колдонобуз жана ачыкка чыгарабыз.

Сиздин жеке маалыматыңызды (анын ичинде купуя маалыматты) чогултуунун негизги жолу — сиз аны бизге бергениңизде жана веб сайт аркылуу жөнөткөнүңүздө. Мисалы, Австралияда жайгашкан жыйналышка же районго онлайн түрдө тартуу кылуу үчүн donate.jw.org сайтын колдонгондо.

Бизге жөнөтүлгөн жеке маалымат жөнөтүлүп жаткан учурда көрсөтүлгөн максаттарда колдонулат. Ал максаттарга төмөнкүлөр кирет:

Тартуулар. Эгер сиз веб сайт аркылуу (мисалы, donate.jw.org) Австралиядагы жыйналышка же районго тартуу кылсаңыз, биз сиздин аты-жөнүңүздү, байланыш маалыматыңызды жана насыя картасы же башка төлөм тууралуу маалыматты чогултабыз. Тартууларды кредиттик карта аркылуу алыш үчүн дүйнөлүк коопсуздук стандарттарга жана купуялуулукту сактоого байланыштуу талаптарга жооп берген онлайн кызматтарын колдонобуз. Тартууңузду иштетип, керектүү маалыматты иштетүүчү кызматтарга жөнөтүү үчүн насыя картасы же дебит картасынын номуру сыяктуу каржылык маалыматты ала алабыз. Тартууңуздун толук суммасын сиз тандаган жыйналышка же районго өткөрүп беребиз. Бирок биз сиздин жеке маалыматыңызды жыйналышка же районго ачып бербейбиз.

Акча которулганы жөнүндөгү маалыматты бери дегенде жети жыл сактайбыз. Бул бизге эсеп-кысап стандарттарына жооп берүүгө жана сиздин ошол убакыттын ичинде пайда болгон суроолоруңузга жооп бергенге шарт түзөт. Сизден дагы тартуу кылышыңызды суранып, байланышпайбыз.

Башка максаттар. Сиз жеке маалыматыңызды (мисалы, аты-жөнүңүздү, почтаңыздын дарегин жана телефон номуруңузду) тартуу кылуудан башка максатта бере аласыз. Ар бир учурда маалыматты кандай максатта берериңиз ачык көрсөтүлөт.

Жеке маалыматыңыз ал чогултулган негизги максатта же сиз ачыкка чыгарыларын билген экинчи максатта чогултулат, сакталалат, колдонулат жана ачыкка чыгарылат. Купуя маалыматты негизги максатка түздөн-түз байланышкан экинчи максат үчүн гана ачыкка чыгарабыз.

Ошондой эле жеке маалыматыңызды төмөнкү максаттарда колдонушубуз же ачыкка чыгарышыбыз мүмкүн: 1) тартууңузду иштетүү үчүн же сиз сураган кызматты башка жол менен камсыз кылуу үчүн сизге ачып бергенде, 2) мыйзамдуу милдеттенмелерибизди аткаруу керек деп эсептегенибизде, 3) укук коргоо органдарына байланышкан иш-чаралар үчүн зарыл деп эсептегенибизде же 4) коопсуздук же техникалык маселелер боюнча алдамчылыкты аныктоо жана алдын алуу максатында.

Сиз тартуу кылганда же жеке маалыматыңызды башка максаттарда бергенде берилген маалымат биздин маалымат технологияларын (IT) эксплуатациялоо жана тейлөө менен байланышкан иштерди кылган техникалык колдоо боюнча адистерге жеткиликтүү. Сиз берген бардык жеке маалыматтар эч кандай шартта сатылбайт же ижарага берилбейт.

Жогоруда айтылгандардан башка, сиздин жеке маалыматыңыз үчүнчү тарапка сиз ачыкка чыгарууга макулдук бергениңизде же Австралиянын купуялуулук принциптерине ылайык уруксат берилген болсо гана ачыкка чыгарылат.

Биз маалыматты жогоруда көрсөтүлгөн максаттар үчүн же башка мыйзамдуу максаттар үчүн зарыл болгондо гана сактайбыз.

Бардык учурда бизге канча маалымат берериңиз сизден көз каранды. Эгер сиз бизден талап кылынган жеке маалыматты жашырууну чечсеңиз, тартууңузду иштетүү же буйрутмаларыңызды аткаруу же суроолоруңузга жооп берүү мүмкүн болбой калаарын эске алышыңызды суранабыз.

ЖЕКЕ МААЛЫМАТТЫН ТРАНСЧЕГАРАЛЫК АЧЫККА ЧЫГАРЫЛЫШЫ

Онлайн тартууларга же суроо берүүгө байланыштуу биз сиздин жеке маалыматыңызды чет өлкөлөрдөгү алуучуларга ачыкка чыгарбайбыз. Бирок веб сайттарды камтыган айрым серверлер Америка Кошмо Штаттарда жайгашкан.

Биз кээде (мисалы, сиз берген суранычты ишке ашыруу үчүн) Австралиядан башка өлкөлөргө, анын ичинде маалыматты коргоо деңгээли Австралиянын маалыматты коргоо деңгээлинен айырмаланышы мүмкүн болгон өлкөлөргө, жеке маалыматыңызды ачыкка чыгарышыбыз мүмкүн. Эске алыңыз, эгерде чет өлкөлүк алуучу Австралиянын купуялуулук мыйзамдарын бузса, анда биз Купуялык мыйзамы боюнча жооп бербейбиз жана Купуялык мыйзамы боюнча компенсация талап кыла албайсыз. Веб сайтка(-тарга) кирүү менен жана биз менен (электрондук же башка жол менен) байланышуу менен жеке маалыматыңыз трансчегаралык ачыкка чыгарылышына макулдуңузду билдиресиз.

МААЛЫМАТТЫ САКТОО ЖАНА КООПСУЗДУК

Биз сиздин жеке маалыматыңыздын коопсуздугуна жана купуялуулугуна абдан олуттуу карайбыз. Жеке маалыматыңызга укугу жок бирөөлөр кирбеши, туура эмес колдонулбашы же башкаларга жарыяланбашы, өзгөртүлбөшү, мыйзамсыз түрдө жок кылынбашы же кокусунан жок болуп кетпеши үчүн, улам жаңыртылып турган маалымат топтомдорун жана коопсуздук программаларын колдонобуз. Биз сиздин жеке маалыматыңызды кандай максатта топтосок, ошол максатка жараша канча убакка чейин сакталышы керек болсо, ошончо убакытка чейин гана же ар кандай юридикалык же документалдык талаптар аткарылганга чейин гана сактайбыз.

Сиз берген купуя маалыматтар камтылган компьютердик системалар электрондук жана процедуралык жактан корголушуна кам көрүлгөн, кайтарылган имараттарда сакталат. Укугу жок бирөөлөр кирип кетпеши үчүн катуу коопсуздук чаралары көрүлгөн стандарттарга карманабыз.

ЖЕКЕ МААЛЫМАТЫҢЫЗГА КИРҮҮ ЖЕ ОҢДОО

Жеке маалыматыңыз чогултулган максатта так жана жаңыртылып турушуна кам көрөбүз. Сиз биз менен байланышып, жеке маалыматыңызга кирүүгө же оңдоону суранууга укугуңуз бар. Сиздин суранычыңызга жооп бергенге чейин, өзүңүздүн инсандыгыңызды тастыктоону суранабыз. Мүмкүн болушунча эртерээк жооп беребиз. .

СУРОО ЖЕ НААРАЗЫЧЫЛЫК

Эгер сизде купуялуулук саясатыбызга байланыштуу суроолоруңуз болсо же жеке маалыматыңызга байланыштуу 1988-жылдын купуялуулук тууралуу мыйзамындагы талаптарды аткарбай жатабыз деп ойлосоңуз жана нааразычылык билдиргиз келсе, төмөнкү дарек боюнча байланышыңыз:

Маалыматты коргоо үчүн байланышуу
Жахабанын Күбөлөрүнүн жыйналышы
PO Box 280, Ingleburn NSW 1890
Австралия

Эгер сиз арыз берген болсоңуз, биз сиздин арызыңызды иликтеп, мүмкүн болушунча эртерээк жооп беребиз. Эгер купуялуулугуңузга байланыштуу арызды биз кандай карап жаткандыбыз сизди канааттандырбаса, анда арызыңызды Австралиянын маалымат комиссарынын кеңсесине (OAIC) жөнөтсөңүз болот. .

КУПУЯЛУУЛУК САЯСАТЫНЫН ЖАҢЫРТЫЛЫШЫ

Бул купуялык саясаты мезгил-мезгили менен жаңыртылып турушу мүмкүн. Эгер бил саясатты өзгөртүү зарыл болсо, сиз кандай маалыматты чогултуп жатканыбызды жана аны кандайча иштетерибизди билишиңиз үчүн жаңыртылган саясат jw.org сайтына жайгаштырылат. Сураныч, мезгил-мезгили менен саясатыбыздагы жаңыртууларды текшерип туруңуз.

Буйрутма ийгиликтүү жөнөтүлдү.