Pakaammo Maipapan iti Panagala ken Pagannurotan iti Kinapribado

Pakaammo Maipapan iti Panagala iti Personal nga Impormasion

Iti panagdonarmo wenno panagsaludsodmo, itedmo iti Christian Congregation of Jehovah’s Witnesses (ABN 94 315 750 845) ti personal nga impormasion maipapan kenka, kas iti naganmo ken dagiti detalye no kasanodaka a makontak. Mabalin nga ipaayannakami met iti sensitibo nga impormasion, kas iti, no maysa a kongregasion wenno sirkito iti lugaryo ti pangtedam iti donasionmo.

Kiddawenmi ti personal nga impormasion maipapan kenka tapno:

maproseso ti donasionmo;
makikomunikar kenka maipapan iti donasionmo, nupay saandaka a kontaken tapno agkiddaw kadagiti kanayonan a donasion;
maaramidmi ti trabahomi mainaig iti panangkuenta ken panangasikaso iti donasionmo;
masungbatan ti aniaman a saludsodmo wenno reklamom.

Pito a tawen ti kaababaan a panangidulinmi kadagiti rekord maipapan kadagiti pinansial a transaksion, ken rekord maipapan kadagiti panagdonar online, tapno masurot dagiti pagalagadan maipapan iti panagkuenta ken masungbatan ti aniaman a saludsodmo a tumaud bayat dayta a tiempo.

No dimo ited ti kidkidawenmi a sumagmamano wenno amin a personal nga impormasion maipapan kenka, mabalin a saan a maproseso ti donasionmo wenno saan a masungbatan ti aniaman a saludsodmo wenno reklamom.

Mabalin nga ipakaammomi ti personal nga impormasion maipapan kenka kadagiti maikatlo a partido a tumulong iti pannakaiproseso dagiti donasiontayo. Saanmi nga ipakaammo ti personal nga impormasion maipapan kenka kadagiti adda iti ballasiw taaw, ngem ti dadduma a personal nga impormasion maipapan kenka ket mabalin a maidulin kadagiti server nga adda iti ruar ti Australia, a posible unay nga iti United States of America.

Ti pagannurotanmi maipapan iti kinapribado ket aglaon iti impormasion no kasano a ma-access wenno maatur ti iggemmi a personal nga impormasion maipapan kenka. Aglaon met dayta iti impormasion no kasano a mabalinmo nga ireklamo ti maipapan iti di pannakasurot dagiti Australian Privacy Principles, ken no kasanomi a solbaren ti reklamom.

Dagitoy ti detalye tapno makontaknakami:

Data Protection Contact
Christian Congregation of Jehovah’s Witnesses
PO Box 280, Ingleburn NSW 1890
Australia

Pagannurotan iti Kinapribado

Sipapasnek ti Christian Congregation of Jehovah’s Witnesses (ABN 94 315 750 845) (CCJW) a mangsalaknib ken mangrespeto iti kinapribadom. Nakapatpateg kadakami ti seguridad ken kinakompidensial ti personal nga impormasion maipapan kenka.

Daytoy a pagannurotan iti kinapribado ket aglaon iti impormasion no kasanomi nga alaen, asikasuen, ken protektaran ti personal nga impormasion. Ilawlawagna met dagiti aramidem no adda dagiti saludsodmo wenno no kayatmo ti agreklamo.

Iti daytoy a pagannurotan, dagiti termino a “personal nga impormasion” ken “sensitibo nga impormasion” ket naikkan iti kaipapanan iti Privacy Act 1988 (Cth). Karaman iti personal nga impormasion ti impormasion wenno opinion, pudno man wenno saan, maipapan iti kinasiasino ti indibidual wenno ti indibidual a rasonable ti kinasiasinona. Ti sensitibo nga impormasion karamanna dagiti impormasion maipapan kadagiti puli wenno etniko a nagtaudan, narelihiosuan a patpatien wenno nakaimiembruan ti maysa nga indibidual. Ti termino a “website(s)” karamanna ti jw.org ken ti kakaduana a site (kas iti donate.jw.org, tv.jw.org, stream.jw.org, ken wol.jw.org) a kukua ti Watchtower Bible and Tract Society of New York, Inc. (WT-New York). No adda saludsodmo maipapan kadagiti pagannurotan ti WT-New York, pangngaasim ta kitaem dagiti pagannurotan nga adda iti jw.org.

Babaen ti panagusar kadagiti website wenno panangtedmo kadakami iti personal ken/wenno sensitibo nga impormasion maipapan kenka, umanamongka nga alaen, idulin, usaren, ken ipakaammomi ti personal nga impormasion maipapan kenka kas nailawlawag iti daytoy a pagannurotan.

PANANGALA, PANANGUSAR KEN PANANGIPAKAAMMO ITI PERSONAL NGA IMPORMASION

Mangala, mangidulin, mangusar ken mangipakaammokami iti personal nga impormasion no laeng kasapulan tapno maitungpalmi dagiti narelihiosuan ken mangasistir a panggep ken aktibidadmi.

Ti kangrunaan a pamay-an ti panangalami iti personal nga impormasion (agraman dagiti sensitibo nga impormasion) maipapan kenka ket no itedmo dayta kadakami ken no itedmo dayta babaen ti maysa a website. Kas pagarigan, no usarem ti donate.jw.org tapno agdonarka online para iti maysa a kongregasion wenno sirkito iti Australia.

Mausar ti personal nga impormasion a naited kadakami kadagiti panggep nga imbagam iti tiempo nga impatulodmo dayta. Dagitoy ti karaman iti dayta a panggep:

Donasion. No agdonarka iti kuarta iti website (kas iti donate.jw.org) para iti maysa a kongregasion wenno sirkito iti Australia, alaenmi ti naganmo, detalye no kasanodaka a makontak ken numero ti credit card-mo wenno dadduma pay a detalye maipapan iti panagbayad. Tapno maawatmi dagiti donasion babaen ti credit card, mangusarkami iti accredited online payment processing services nga addaan iti kasayaatan a pagannurotan maipapan iti seguridad ken kinapribado dagiti impormasion. Mabalin nga umawatkami iti impormasion maipapan iti pinansial, kas iti numero ti credit card wenno debit card a kasapulan tapno maproseso ti donasionmo, ken ipatulodmi dagiti kasapulan nga impormasion kadagita a mangiproseso. Itedmi ti intero a gatad ti donasionmo iti napilim a kongregasion wenno sirkito. Nupay kasta, saanmi nga ipakaammo ti personal nga impormasion maipapan kenka iti napilim a kongregasion wenno sirkito, wenno ikkaten wenno baliwan ti personal nga impormasion sakbay nga ipakaammomi dayta.

Pito a tawen ti kaababaan a panangidulinmi kadagiti rekord maipapan iti pinansial a transaksion. Makatulong dayta tapno masurotmi dagiti pagalagadan iti panagkuenta ken masungbatanmi ti aniaman a saludsodmo a tumaud bayat dayta a tiempo. 'Saandaka'' a kontaken tapno agkiddaw iti kanayonan a donasion.

Dadduma Pay a Panggep. Mabalinmo nga ited ti personal nga impormasion (kas iti naganmo, adresmo, ken numero ti teleponom) saan laeng a no agdonarka no di ket iti dadduma pay a panggep. Iti tunggal kaso, nalawag nga ipakaammomi ti panggep ti panagkiddawmi kenka iti impormasion.

Mangala, mangidulin, mangusar ken mangipakaammomi iti personal nga impormasion para iti kangrunaan a panggep a nakairantaanna, wenno para iti sumaruno a panggep a nainaig iti kangrunaan a panggep, ket gagangay a manamnamam a maipakaammo ti impormasion maipapan kenka para iti dayta a panggep. No maipapan iti sensitibo nga impormasion, ipakaammomi laeng ti impormasion para iti maikadua a panggep a direkta a nainaig iti kangrunaan a panggep.

Mabalin met nga usaren wenno ipakaammomi ti personal nga impormasion maipapan kenka no kas pagarigan ta: (1) masapul nga aramiden dayta tapno maproseso ti donasionmo wenno maipaay ti serbisio a kiniddawmo ken impakaammomi daytan kenka; (2) mamatikami a masapul a tungpalenmi dagiti legal nga obligasionmi; (3) mamatikami a kasapulan dayta para kadagiti aktibidad a nainaig iti panangipatungpal iti linteg; wenno (4) kasapulan dayta tapno maammuan ken malapdan ti panangsaur para iti seguridad wenno kadagiti teknikal a problema.

Ti naited nga impormasion no agdonarka wenno no itedmo ti personal nga impormasion maipapan kenka para iti dadduma pay a panggep ket ma-access dagiti technical support specialists a mangaramid kadagiti trabaho a konektado iti panagandar ken panangmantener iti kukuami nga information technology (IT). Aniaman a personal nga impormasion maipapan kenka nga itedmo ket saan a pulos a mailako, maisukat, wenno maiparenta.

Malaksid kadagiti nadakamaten, ti personal nga impormasion maipapan kenka ket mabalin laeng a maipakaammo iti maikatlo a partido no ipalubosmo a mapakaammuan wenno iti sadinoman nga ipalubos ti Australian Privacy Principles.

Idulinmi ti impormasion agingga a kasapulan dayta para kadagita a panggep wenno para iti dadduma pay a lehitimo a panggep a mabalin nga agaplikar.

Kanayon a sika ti agdesision no kasano kaadu nga impormasion ti kayatmo nga inted kadakami. Ngem pangngaasim ta laglagipem a no ikeddengmo a saan nga ited ti kidkiddawenmi nga aniaman a personal nga impormasion maipapan kenka, mabalin a saanmi a maiproseso ti donasionmo wenno masungbatan ti kiddawmo wenno dadduma pay a saludsodmo.

PANANGIPAKAAMMO ITI PERSONAL NGA IMPORMASION ITI BALLASIW-TAAW

No maipapan iti panagdonar online, gagangay a saanmi nga ipakaammo ti personal nga impormasion maipapan kenka kadagiti adda iti ballasiw-taaw. Nupay kasta, ti dadduma kadagiti server a konektado kadagiti website ket adda iti United States of America.

No dadduma, mabalin nga ipakaammomi ti personal nga impormasion maipapan kenka iti ruar ti Australia (kas pagarigan, tapno maproseso ti kiddawmo), a posible a pakairamanan dagiti pagilian a dagiti lintegda ket mangipaay iti nadumaduma a lebel ti panangprotektar iti impormasion/kinapribado a saan a kanayon a kapada ti lebel ti Australia maipapan iti dayta. Laglagipem a no ti umawat iti ballasiw-taaw salungasingenna dagiti paglintegan ti Australia maipapan iti kinapribado, awan ti sungsungbatanmi iti Privacy Act ken saanka a mabalin nga agreklamo iti dayta. Babaen ti panangbisitam iti website(s) ken pannakikomunikar kadakami (iti man elektroniko a pamay-an wenno dadduma pay), umanamongka kadagitoy a panangipakaammo iti personal nga impormasion maipapan kenka kadagiti adda iti ballasiw-taaw.

PANANGIDULIN ITI IMPORMASION KEN SEGURIDAD

Nakapatpateg kadakami ti seguridad ken kinakompidensial ti personal nga impormasion maipapan kenka. Agus-usarkami iti moderno a pagidulinan iti impormasion ken pamay-an iti seguridad tapno ti personal nga impormasion maipapan kenka ket maprotektaran manipud kadagiti di autorisado a panang-access, di umiso a panangusar wenno panangipakaammo, di autorisado a panangbalbaliw, illegal a panangdadael, wenno di inggagara a pannakapukaw. Idulinmi ti personal nga impormasion maipapan kenka agingga a rasonable a kasapulan dayta para kadagiti panggep a nakairantaanna ken tapno masurot ti aniaman nga agaplikar a legal a panangireport wenno dagiti pagannurotan maipapan iti panangidulin iti dokumento.

Agus-usarkami kadagiti sistema ti kompiuter nga addaan iti limited access protocols, nga adda kadagiti pasilidad nga agus-usar kadagiti pisikal, elektroniko, ken pamay-an ti seguridad a mangprotektar iti kinakompidensial ken seguridad ti impormasion a nayallatiw kadakami. Kanayon a sursurotenmi dagiti nainget a pagalagadan iti seguridad tapno malapdan ti aniaman a di autorisado a panang-access.

PANANG-ACCESS WENNO PANANGATUR ITI PERSONAL NGA IMPORMASION MAIPAPAN KENKA

Ar-aramidenmi dagiti rasonable a pamay-an tapno masigurado a ti personal nga impormasion ket kanayon nga umiso ken up-to-date para kadagiti panggep a nakairantaanna. Addaanka iti kalintegan a mangkiddaw iti panang-access, wenno panangatur iti personal nga impormasion nga iggemmi maipapan kenka babaen ti panangkontakmo kadakami. Kiddawenmi a paneknekam ti kinasiasinom sakbay a patganmi ti kiddawmo. Patganmi a dagus ti kiddawmo apaman a posible dayta.

PANAGDAMAG WENNO PANAGREKLAMO

No adda aniaman a saludsodmo maipapan iti pagannurotanmi maipapan iti kinapribado, wenno no patiem a saanmi a nasurot ti Privacy Act 1988 (Cth) mainaig iti personal nga impormasion maipapan kenka ken kayatmo ti agreklamo, pangngaasim ta kontakem ti:

Data Protection Contact
Christian Congregation of Jehovah’s Witnesses
PO Box 280, Ingleburn NSW 1890
Australia

No naipakaammomon ti reklamom, imbestigarenmi dayta ken pakaammuandaka a dagus apaman a posible dayta. No saanka a mapnek iti pamay-an ti panangtamingmi iti reklamom a nainaig iti kinapribadom, mabalin nga ipakaammom ti reklamom iti Office of the Australian Information Commissioner (OAIC).

PANANG-UPDATE ITI DAYTOY A PAGANNUROTAN MAIPAPAN ITI KINAPRIBADO

Pasaray ma-update daytoy a pagannurotan. No masapul a mabaliwan daytoy a pagannurotan, maikabil iti jw.org ti na-update a pagannurotanmi tapno kanayon a makitam no ania nga impormasion ti alaenmi ken no kasano ti panangasikasomi iti dayta. Pangngaasim ta pasaray kitaem no na-update ti pagannurotanmi.

Naiserreken ti kiddaw.