Cidziŵitso ca Zimene Timatenga na Mfundo Yosunga Cinsinsi

Cidziŵitso ca Kutenga Zolemba Zodziŵikitsa Munthu

(Australian Privacy Principle 5)

Pamene mupanga copeleka, mudzakhala mukupatsanso Watchtower Bible and Tract Society of Australia (ABN 42 002 861 225) zolemba zokudziŵikitsani, monga dzina lanu, namba ya foni, na zina zotelo. Mungakhalenso mukutipatsa zinthu zacinsinsi, monga posankha mpingo wanu kapena dela lanu kukhala wolandila copeleka canu.

Timatenga zolemba zokudziŵikitsani kotelo kuti:

titumize copeleka canu;
tikudziŵitseni zokhudza copeleka canu, osati kuti tikakupempheni kutumizanso ndalama zina ayi;
tisamalile bwino maakaunti athu okhudza copeleka canu;
tithe kuyankha mafunso alionse kapena dandaulo imene mungakhale nayo.

Timasunga zolemba zathu zokhudza ndalama zotumizidwa, kuphatikizapo zopeleka za pa Intaneti, kwa zaka zosacepela 7. Izi n’zogwilizana na malamulo a zamaakaunti, komanso zimatithandiza kuyankha mafunso alionse amene mungakhale nawo panthawi yonseyi.

Ngati simutipatsa zolemba zina zokudziŵikitsani, kapena ngati simutipatsa zilizonse zimene takupemphani, cingakhale covuta kuti titumize copeleka canu kapena kuyankha mafunso anu kapena dandaulo.

Nthawi zina tingaulule zolemba zokudziŵikitsani ku makampani ena amene amatithandiza kutumiza zopeleka zanu. Koma sitingaulule zolemba zokudziŵikitsani ku makampani ali kumaiko akutali, kutsidya kwa nyanja zamcele. Komabe, zina mwa zokudziŵikitsani zingasungidwe m’ma server ali kunja kwa dziko la Australia, maka-maka ku United States of America.

Mfundo Yathu Yosunga Cinsinsi imaphatikizapo malangizo a mmene mungapezele kapena kuwongolela zolemba zokudziŵikitsani zimene tikusunga. Timafotokozanso mmene mungapelekele dandaulo lanu pa zakuphwanya malamulo a kusunga cinsinsi a dziko la Australia, komanso mmene tingakuthandizileni pa dandaulo lanu.

Potilembela gwilitsilani nchito adresi iyi:

Data Protection Contact
PO Box 280, Ingleburn NSW 1890
Australia

Mfundo Yosunga Cinsinsi

Watchtower Bible and Tract Society of Australia ABN 42 002 861 225 (WT-Aust) idzacita zonse zotheka pofuna kulemekeza cinsinsi canu na kucisunga. Kuteteza zolamba zokudziŵikitsani ni nkhani yaikulu kwambili kwa ife.

WT-Aust imatsatila malamulo a Australian Privacy Principles pansi pa Privacy Act 1988 (Cth). Mu Mfundo yathu yosunga cinsinsi timafotokoza mmene timatengela na kusamalila zolamba zodziŵikitsa munthu. Timaunikanso zimene mungacite mukakhala na mafunso kapena dandaulo.

Mu mfundo yathu imeneyi, matanthauzo a mawu akuti “zolemba zodziŵikitsa munthu” komanso akuti “zinthu zacinsinsi” akufotokozedwa mogwilizana na Privacy Act 1988 (Cth). Zolemba zodziŵikitsa munthu zimaphatikizapo mawu kapena maganizo, kaya akhale oona kapena ayi, a munthu amene wadziŵikayo kapena amene akhoza kudziŵika. Zinthu zacinsinsi ziphatikizapo mawu onena za mtundu wa munthu, kumene anacokela, cipembedzo cake, kapena gulu limene akugwilizana nalo. Liwu lakuti “(ma)webusaiti” liphatikizapo jw.org komanso mawebusaiti ena (monga apps.jw.org, tv.jw.org, stream.jw.org, komanso wol.jw.org) amene ni a Watchtower Bible and Tract Society of New York, Inc. (WT-New York). Ngati muli na funso pa mfundo za WT-New York, conde onani mfundo zawo zopezeka pa jw.org.

Poseŵenzetsa mawebusaiti amenewo, komanso potipatsa zolemba zokudziŵikitsani na/kapena zinthu zacinsinsi, mukutivomeleza kutenga, kusunga, kugwilitsila nchito, komanso kuulula zolemba zokudziŵikitsani monga mmene tafotokozela mu nfundo ino.

KUTENGA, KUSEŴENZETSA NA KUULULA ZOLEMBA ZODZIŴIKITSA MUNTHU

Timatenga, kusunga, na kuulula zolemba zodziŵikitsa munthu kokha pamene kwakhala kofunikila kutelo pogwila nchito zathu zacipembedzo ndiponso zothandiza anthu.

Njila yaikulu imene timatengela zolemba zodziŵikitsa munthu (kuphazikizapo zinthu zacinsinsi) zokhudza inu ni pamene mumatipatsa zinthu zimenezo, komanso pamene muloŵa pa webusaiti yathu. Mwacitsanzo, pamene mugwilitsila nchito apps.jw.org kuti mutumize copeleka ca pa Intaneti ku mpingo kapena ku dela mu Australia.

Zolemba zodziŵikitsa munthu zimene mwatipatsa timazigwilitsila nchito kokha pa zolinga zimene takuchulilani panthawiyo. Zolingazo zingaphatikizepo zotsatilazi:

Zopeleka. Mukatumiza copeleka ca ndalama pa webusaiti (monga apps.jw.org) ku mpingo kapena dela mu Australia, timatenga dzina lanu, fon’namba, adresi ya imelo, komanso credit card kapenanso zinthu zina zofunikila. Kuti zopeleka za pa credit card zilandilidwe, timagwilitsila nchito njila zacitetezo zodalilika kwambili za m’malamulo a padziko lonse otetezela zinthu zacinsinsi. Tingalandile zinthu zina zofunikila zokhudza ndalama, monga namba ya credit card kapena debit card, na kuzitumiza kwa otithandiza kutumiza zopeleka. Timatumiza copeleka canu conse ku mpingo kapena dela limene mwasonyeza. Komabe, sitiulula zolemba zodziŵikitsa munthu ku mpingo umene mwasonyeza kapena dela, kapena timayamba tazisintha monga mbali ya citetezo kuti mwini wake weni-weni asadziŵike.

Zolemba zathu zokhudza ndalama zotumizidwa timazisunga kwa zaka zosacepela 7. Timacita izi pofuna kutsatila malamulo a kasungidwe ka zokhudza ndalama, komanso kuti tizitha kuyankha mafunso alionse amene mungakhale nawo panthawi imeneyi. Sitidzakupemphani kuti mutumize ndalama zina ayi.

Zolinga Zina. Mungatipatsenso zolamba zodziŵikitsa munthu (monga dzina lanu, adresi ya makalata, fon’namba) pa zolinga zina zosakhala kutumiza copeleka. Koma nthawi iliyonse mukatelo, tidzakuchulilani bwino lomwe cimene takupemphelani kuti mutipatse zinthuzo. Sitidzagwilitsila nchito zolemba zokudziŵikitsani pa zolinga zimene sitinakuchulileni.

Timatenga, kusunga, kugwilitsila nchito, komanso kuulula zolemba zodziŵikitsa munthu kokha pa colinga cacikulu cimene tazitengela, kapena pa colinga caciŵili cokhudzana ndi colinga cacikuluco, cimene inunso mungayembekezele kuti zolemba zokudziŵikisani zingaululidwe pa colingaco. Kunena za zinthu zacinsinsi, tingangoziulula kokha pa colinga caciŵili cokhudzana mwacindunji na colinga coyambaco, cimene inunso mungayembekezele kuti zingaululidwe pa colingaco.

Tingagwilitsilenso nchito kapena kuulula zolemba zodziŵikitsa munthu pamene, mwacitsanzo: (1) kwakhala kofunikila kuti titumize copeleka canu kapena pokuthandizani pa zimene mwatipempha ndipo takudziŵitsani zimenezo; (2) taona kuti tifunika kutelo potsatila malamulo; (3) taona kuti tifunika kutelo pocita zinthu zokhudza malamulo; kapena (4) kwakhala kofunikila kuti tidziŵe zacinyengo pofuna kupeleka citetezo pa mbali zonse zofunikila.

Zolemba zimene mungatipatse potumiza copeleka canu, kapena potipatsa zolemba zokudziŵikitsani pa zolinga zinazake, dziŵani kuti akatswili otithandiza panchito za maluso apakopyuta angathe kuziona. Komanso dziŵani kuti zolemba zanu zilizonse sizidzagulitsidwa, kupatsako anthu ena, kapena kuwabweleketsa.

Kupatulapo zimene tachula pamwambapa, zolemba zokudziŵikitsani zingaululidwe kwa ena kokha ngati inuyo mwatilola kapena ngati tiloledwa kutelo m’malamulo a Australian Privacy Principles.

Timasunga zolemba zokudziŵikitsani kwa utali cabe wa colinga cimene tinazitengela kapena pa zifukwa zina zoyenelela mwalamulo.

Ponena za kuculuka kwa zolemba zokudziŵikitsani zimene mungafune kupatsa WT-Aust, zidalila kufuna kwanu. Koma dziŵani conde kuti ngati mwakana kutipatsa zolemba zokudziŵikitsani zimene takupemphani, cingakhale covuta kuti titumize copeleka canu, kapena kuyankha mafunso kapena pempho lanu.

KUULULA ZOLEMBA ZODZIŴIKITSA MUNTHU KU MAIKO ENA

Pa zopeleka za pa Intaneti, sitiulula zolemba zodziŵikitsa munthu kwa ozilandila omwe ali kumaiko akutali. Komabe, mawebusaiti athu ena ali m’ma server (makina) a ku United States of America.

Nthawi zina, tingaulule zolemba zokudziŵikitsani kunja kwa dziko la Australia (mwacitsanzo, pofuna kusamalila zimene mwatitumizila), zokhudza maiko amene malamulo awo ali na zitetezo zosiyana ndi za dziko la Australia. Polemba zokudziŵikitsani na kuziulula, tidzayesetsa kucita zotheka kuti amene tikum’tumizila zinthuzo ku dziko lina asaphwanye malamulo a Australian Privacy Principles okhudza zolemba zodziŵikitsa munthu. Pamene muloŵa pa (ma)webusati na kukambitsana nafe (molembelana kapena mwa njila ina),mukuvomeleza kuti zolemba zokudziŵikitsani zingaululidwe ku maiko ena.

KUSUNGA NA KUTETEZA ZOLEMBA ZODZIŴIKITSA MUNTHU

Nkhani yosunga cinsinsi komanso kuteteza zolemba zodziŵikitsa ni yofunika kwambili kwa ife. Timagwilitsila nchito njila zatsopano zosungila cinsinsi na kuteteza zolemba zodziŵikitsa munthu kuti anthu osaloledwa asazitenge, kuzigwilitsila nchito molakwika, kuziulula kwa ena, kuzisintha popanda cilolezo, kuziwononga molakwila malamulo, kapena kuzifafaniza mwangozi. Timazisunga cabe kwa utali wofunikila pa colinga cimene tinazitengela, mogwilizananso na malamulo okhudza kasungidwe ka zinthu zolembedwa.

Timaseŵenzetsa njila zapakompyuta za citetezo cokhwima,ndiponso makompyuta athu ali m’malo otetezeka bwino kotelo kuti tithe kuteteza zonse zofunikila kusunga cinsinsi zimene mungatitumizile. Timatsatila malamulo a citetezo cokhwima kotelo kuti munthu wosaloledwa aliyense asazione kapena kutenga zolembedwa zimenezo.

KUONA KAPENA KUWONGOLELA ZOLEMBA ZODZIŴIKITSA MUNTHU

Timacita zotheka kuti zolemba zodziŵikitsa munthu zizikhala zolondola komanso zapanthawi yake malinga na colinga cimene tinazitengela. Muli na ufulu wotipempha kuti muzione kapena kuziwongolela. Koma tisanakuloleni, tidzakupemphani kutipatsa umboni wotsimikizila kuti ndinu mwini wake wa zolembazo. Tidzayankha pempho lanu mwamsanga mmene zingathekele.

FUNSO KAPENA DANDAULO

Ngati muli na mafunso alionse pa mfundo yathu yosunga cinsinsi, olo ngati muona kuti sitinatsatile mfundo zathu pansi pa Privacy Act 1988 (Cth) pa nkhani yokhudza zolemba zokudziŵikitsani ndipo mukufuna kutumiza dandaulo, conde lembelani ku:

Data Protection Contact
PO Box 280, Ingleburn NSW 1890
Australia

Mukatumiza dandaulo lanu, tidzafufuza nkhaniyo na kukuyankhani mwamsanga mmene tingakwanitsile. Ngati simunakhutile na mmene tasamalila dandaulo lanu lokhudza kusunga cinsinsi, mungatumize dandaulo lanu ku Ofesi ya Australian Information Commissioner (OAIC).

ZOSINTHA PA MFUNDO YOSUNGA CINSINSI

Mfundo yosunga cinsinsi imeneyi ingasinthidwe pa nthawi na nthawi. Kukakhala kofunikila kusintha mfundo imeneyi, mfundo yatsopanoyo idzaikidwa pa jw.org kuti nthawi zonse muzidziŵa zolemba zimene timatenga na mmene timacitila nazo. Conde, muziyang’anapo nthawi na nthawi kuti muziona zimene zasintha.

Inasinthidwa pa June 7, 2019

Request submitted successfully.