Njoftim për mbledhjen e të dhënave dhe politika e privatësisë

Njoftim për mbledhjen e të dhënave personale

Me bërjen e një kontributi ose pyetjeje, ju po i jepni kongregacionit të krishterë të Dëshmitarëve të Jehovait (ABN 94 315 750 845) të dhënat tuaja personale, siç janë emri dhe të dhënat e kontaktit. Ju mund të jeni duke na dhënë edhe informacione konfidenciale, si për shembull kur caktoni kongregacionin ose qarkun tuaj si marrësin e kontributit.

Ne i mbledhim të dhënat tuaja personale që të:

përpunojmë kontributin tuaj;
komunikojmë me ju në lidhje me kontributin, megjithëse nuk do t’ju kontaktojmë për të kërkuar kontribute shtesë;
kryejmë punët e llogarisë dhe të administrimit që kanë lidhje me kontributin tuaj;
japim përgjigje për çdo pyetje ose ankesë nga ana juaj.

Ne i ruajmë të dhënat e veprimeve financiare, përfshirë këtu të dhënat e kontributeve të bëra online, minimumi për shtatë vjet, në përputhje me standardet e kontabilitetit dhe për t’iu përgjigjur çdo pyetjeje që ju lind gjatë kësaj kohe.

Në qoftë se nuk i jepni të gjitha apo disa nga të dhënat personale që kërkohen, mund të mos jetë e mundur të përpunojmë kontributin tuaj ose t’i përgjigjemi ndonjë pyetjeje apo ankese nga ana juaj.

Ne mund t’ua zbulojmë të dhënat tuaja personale palëve të treta, të cilat ndihmojnë në përpunimin e kontributeve tona. Ka shumë pak gjasa që t’ua zbulojmë të dhënat tuaja personale marrësve në shtete të tjera, e megjithatë një pjesë e të dhënave tuaja personale mund të ruhet në servera, të cilët ndodhen jashtë Australisë, me shumë mundësi në Shtetet e Bashkuara të Amerikës.

Politika jonë e privatësisë përmban informacion për mënyrën se si mund të kërkoni të shihni apo korrigjoni të dhënat tuaja personale që ne mbajmë. Gjithashtu ka informacion rreth mënyrës se si mund të ankoheni për ndonjë shkelje të Parimeve Australiane të Privatësisë dhe se si do të veprojmë në lidhje me ankesën tuaj.

Të dhënat tona të kontaktit janë:

Kontakti për mbrojtjen e të dhënave
Christian Congregation of Jehovah’s Witnesses
PO Box 280, Ingleburn NSW 1890
Australia

Politika e privatësisë

Kongregacioni i krishterë i Dëshmitarëve të Jehovait (ABN 94 315 750 845) (CCJW) zotohet të mbrojë dhe respektojë privatësinë tuaj. Ne e marrim shumë seriozisht sigurinë dhe konfidencialitetin e të dhënave tuaja personale.

Kjo politikë e privatësisë përmban informacion rreth mënyrës se si ne i mbledhim, mbajmë dhe ruajmë të dhënat personale. Gjithashtu paraqet mënyrën si veprohet në rast se keni pyetje ose dëshironi të bëni një ankesë.

Në këtë politikë të privatësisë, termat “të dhëna personale” dhe “informacione konfidenciale” kanë kuptimin që iu është dhënë tek Akti i Privatësisë 1988 (Cth). Të dhënat personale përfshijnë informacion ose opinion, qoftë ky i vërtetë apo jo, për një individ të identifikuar ose një individ që mund të identifikohet në një masë të mjaftueshme. Informacionet konfidenciale përfshijnë informacione rreth racës ose origjinës etnike, besimit apo përkatësisë fetare. Termi “sit(e)” përfshin jw.org dhe sitet shoqëruese (si donate.jw.org, tv.jw.org, stream.jw.org dhe wol.jw.org), të cilat janë në pronësi të Watchtower Bible and Tract Society of New York, Inc. (WT-New York). Në qoftë se keni pyetje rreth politikave të WT-New York-ut, ju lutemi të shikoni ato të renditura në jw.org.

Duke përdorur sitet ose nga ana tjetër duke na dhënë të dhënat tuaja personale dhe/ose informacione konfidenciale, ju na jepni miratimin për mbledhjen, mbajtjen, përdorimin dhe zbulimin e të dhënave tuaja personale siç përshkruhet në këtë politikë.

MBLEDHJA, PËRDORIMI DHE ZBULIMI I TË DHËNAVE PERSONALE

Ne i mbledhim, mbajmë, përdorim dhe zbulojmë të dhënat tuaja personale vetëm në masën e nevojshme për të përmbushur qëllimet e aktivitetet tona fetare dhe humanitare.

Mënyra kryesore se si i mbledhim të dhënat tuaja personale (përfshirë informacionet konfidenciale) është kur këto informacione na i jepni ju dhe kur i regjistroni në një nga sitet. Për shembull kur përdorni donate.jw.org për t’i dërguar një kontribut online një kongregacioni ose qarku që ndodhet në Australi.

Të dhënat personale që na dërgoni, përdoren për qëllimet e bëra të ditura në momentin e regjistrimit. Këto qëllime mund të jenë:

Dhurime. Në qoftë se ju dërgoni një kontribut në para nëpërmjet një siti (siç është donate.jw.org) për një kongregacion ose qark në Australi, ne marrim emrin, të dhënat tuaja të kontaktit dhe kartën e kreditit ose të dhëna të tjera mbi pagesën. Për të pranuar kontribute nga karta e kreditit, ne përdorim shërbime të njohura zyrtare për përpunimin e pagesave online, me politikat e privatësisë së të dhënave dhe sigurinë më të lartë. Ne mund të marrim të dhëna financiare, si për shembull numrin e kartës së kreditit ose debitit, që duhen për të përpunuar kontributin dhe t’ua dërgojmë informacionet e nevojshme shërbimeve të përpunimit. Ne ia transferojmë shumën e kontributit të plotë kongregacionit ose qarkut të caktuar nga ju. Megjithatë, nuk ia zbulojmë të dhënat tuaja personale kongregacionit apo qarkut të caktuar nga ju, ose e fshehim identitetin e të dhënave personale para se t’i zbulojmë.

Ne i ruajmë të dhënat e veprimeve financiare minimumi për shtatë vjet. Në këtë mënyrë mund të ndjekim standardet e kontabilitetit dhe t’i përgjigjemi çdo pyetjeje që ju lind gjatë kësaj kohe. Nuk do t’ju kontaktojmë për t’ju kërkuar kontribute shtesë.

Qëllime të tjera. Ju mund të regjistroni të dhëna personale (si emrin tuaj, adresën postare dhe numrin e telefonit) edhe për qëllime të tjera përveç bërjes së një kontributi. Në secilin rast, qëllimi për të cilin ju kërkohet të na jepni të dhëna bëhet i qartë.

Ne i mbledhim, mbajmë, përdorim dhe zbulojmë të dhënat personale për qëllimin kryesor për të cilin mblidhen ose për një qëllim dytësor që lidhet me kryesorin e për të cilin me arsye do të pritnit që të dhënat tuaja të zbuloheshin. Në rastin e informacioneve konfidenciale, ne do t’i zbulojmë ato për një qëllim dytësor vetëm kur ai lidhet drejtpërdrejt me qëllimin kryesor.

Gjithashtu ne mund t’i përdorim ose zbulojmë të dhënat tuaja personale në rast se, për shembull: (1) është e nevojshme në mënyrë që të përpunojmë kontributin tuaj ose në rastin e kundërt, që të ofrojmë shërbimin e kërkuar nga ju, gjë të cilën jua kemi bërë të ditur; (2) mendojmë se është e nevojshme për të përmbushur detyrimet tona ligjore ; (3) mendojmë se është e nevojshme për veprimtaritë që lidhen me kontrollin e zbatimit të ligjit; ose (4) është e nevojshme për arsye sigurie ose teknike, që të zbulojmë dhe parandalojmë mashtrimet.

Informacioni që jepni kur bëni një kontribut apo kur regjistroni të dhëna personale për qëllime të tjera, mund të shihet nga specialistët e ndihmës teknike që kryejnë detyra të lidhura me funksionimin dhe mirëmbajtjen e teknologjisë sonë të informacionit(IT). Asnjë e dhënë personale që regjistroni nuk do të shitet, tregtohet ose jepet me qira në asnjë rast.

Përveç sa u tha më sipër, të dhënat tuaja personale mund t’i zbulohen një pale të tretë vetëm me miratimin tuaj ose në rast se lejohet nga Parimet Australiane të Privatësisë.

Ne i mbajmë të dhënat vetëm për aq kohë sa është e nevojshme për këto qëllime ose kur ka arsye të tjera të forta.

Në të gjitha rastet, sasia e informacionit që dëshironi të na jepni, varet nga ju. Sidoqoftë, ju lutemi të keni parasysh që nëse zgjidhni të mos jepni ndonjë të dhënë personale që ju kërkojmë, mund të mos jetë e mundur të përpunojmë kontributin tuaj ose t’u përgjigjemi kërkesave apo pyetjeve tuaja.

ZBULIMI I TË DHËNAVE PERSONALE JASHTË KUFIJVE

Për sa u përket kontributeve ose pyetjeve online, normalisht nuk ua zbulojmë të dhënat tuaja personale marrësve që janë në shtet tjetër. Mirëpo disa nga serverat me të cilët janë lidhur sitet, ndodhen në Shtetet e Bashkuara të Amerikës.

Nganjëherë, ne mund t’i zbulojmë të dhënat tuaja personale jashtë Australisë (për shembull, për të përmbushur një kërkesë të bërë nga ju), ka mundësi në shtete ligjet e të cilave sigurojnë nivele të ndryshme të mbrojtjes së të dhënave/privatësisë, që nuk janë gjithmonë të barasvlershme me nivelin e mbrojtjes së të dhënave/privatësisë si në Australi. Ju lutemi vini re që, nëse një marrës në një shtet tjetër shkel ligjet australiane të privatësisë, ne nuk do të jemi përgjegjës për thyerje të Aktit të Privatësisë dhe ju nuk do të keni mundësi të kërkoni dëmshpërblim bazuar në Aktin e Privatësisë. Duke vizituar sitin(et) dhe duke komunikuar me ne (në formë elektronike ose formë tjetër), ju lejoni zbulimin e të dhënave personale me vendet jashtë kufijve.

RUAJTJA DHE MBROJTJA E TË DHËNAVE

Ne e marrim shumë seriozisht mbrojtjen dhe konfidencialitetin e të dhënave tuaja personale. Përdorim teknikat e fundit të ruajtjes dhe mbrojtjes së të dhënave për të mbrojtur të dhënat tuaja personale nga hyrjet e paautorizuara, përdorimi i papërshtatshëm apo zbulimi i tyre, modifikimet e paautorizuara, eliminimi i jashtëligjshëm apo humbja aksidentale. Ne i mbajmë të dhënat tuaja personale vetëm për aq kohë sa është mjaftueshëm e nevojshme për qëllimet që janë mbledhur dhe për t’iu bindur ndonjë nevoje për raportim ligjor apo kërkesave për ruajtjen e dokumenteve.

Ne përdorim sisteme kompjuterike që kanë protokolle me të drejta hyrjeje të kufizuara. Ato janë vendosur në objekte me masa sigurie fizike, elektronike dhe procedurale për të mbrojtur konfidencialitetin dhe sigurinë e të dhënave që na transmetohen. Kemi standarde sigurie strikte për të parandaluar çdo hyrje të paautorizuar.

HYRJE APO KORRIGJIME NË TË DHËNAT TUAJA

Ne marrim hapa të arsyeshëm për t’u siguruar që të dhënat personale të mbahen të sakta dhe të përditësuara për qëllimet që janë mbledhur. Ju keni të drejtën të na kontaktoni dhe të kërkoni të hyni apo të bëni korrigjime te të dhënat tuaja personale që ne kemi. Para se t’i përgjigjemi kësaj kërkese, do t’ju kërkojmë të vërtetoni identitetin tuaj. Do t’i përgjigjemi kërkesës suaj sa më shpejt të jetë e mundur.

PYETJE OSE ANKESA

Në rast se keni pyetje lidhur me politikën tonë të privatësisë, ose nëse mendoni që nuk kemi vepruar në përputhje me Aktin e Privatësisë 1988 (Cth) për sa i përket të dhënave tuaja personale dhe dëshironi të bëni një ankesë, ju lutemi të kontaktoni:

Kontakti për mbrojtjen e të dhënave
Christian Congregation of Jehovah’s Witnesses
PO Box 280, Ingleburn NSW 1890
Australia

Në qoftë se e keni bërë tashmë ankesën, ne do ta shqyrtojmë atë dhe do t’ju përgjigjemi sa më shpejt të jetë e mundur. Nëse nuk jeni të kënaqur me mënyrën se si i përgjigjemi ankesës suaj lidhur me privatësinë, mund t’ia dërgoni atë Zyrës së Komisionerit Australian të Informacionit (OAIC).

PËRDITËSIME TË KËSAJ POLITIKE TË PRIVATËSISË

Kjo politikë e privatësisë mund të përditësohet herë pas here. Në qoftë se bëhet i nevojshëm ndryshimi i këtyre rregullave, përditësimet do të postohen në jw.org që ju të jeni gjithnjë në dijeni se çfarë informacionesh mbledhim dhe si i përdorim. Ju lutemi, kontrolloni herë pas here për të parë përditësimet e politikës sonë.

Kërkesa u dërgua me sukses.