Insamelingskennisgewing en Privaatheidsbeleid

Kennisgewing oor die insameling van persoonlike inligting

Wanneer jy ’n donasie maak, voorsien jy jou persoonlike inligting, soos jou naam en kontakbesonderhede aan Christian Congregation of Jehovah’s Witnesses (ABN 94 315 750 845). Jy voorsien dalk ook sensitiewe inligting aan ons, soos as jy jou plaaslike gemeente of kring kies as die ontvanger van jou donasie.

Ons kry jou persoonlike inligting by jou om:

jou donasie te verwerk;
met jou te kommunikeer oor jou donasie, maar ons sal jou nie kontak om addisionele donasies te maak nie;
ons rekeningkunde- en administrasie-funksies te doen wat verband hou met jou donasie;
te reageer op enige probleem of klagte wat jy het.

Ons hou rekords van finansiële transaksies, insluitende rekords van aanlyn donasies, vir ’n minimum van sewe jaar sodat ons aan die standaarde van rekeningkunde voldoen. Ons hou ook hierdie rekords sodat ons op enige vrae kan reageer wat jy gedurende hierdie tydperk het.

As jy nie al die persoonlike inligting voorsien wat ons vra nie, sal dit dalk nie moontlik wees om jou donasie te verwerk nie of om te reageer op enige probleem of klagte wat jy het nie.

Ons sal dalk jou persoonlike inligting aan derde partye moet bekend maak wat help om ons donasies te verwerk. Dit is onwaarskynlik dat ons jou persoonlike inligting aan ontvangers oorsee sal bekend maak, maar van jou persoonlike inligting word dalk gestoor op bedieners wat buite Australië is. Dit is heel moontlik in die Verenigde State van Amerika.

Ons Privaatheidsbeleid bevat inligting oor hoe jy toegang tot jou persoonlike inligting kan kry of persoonlike inligting wat ons oor jou het, kan regmaak. Dit bevat ook inligting oor hoe jy ’n klag kan lê as die Australian Privacy Principles oortree word en hoe ons jou klag sal hanteer.

Ons kontakbesonderhede is:

Data Protection Contact
Christian Congregation of Jehovah’s Witnesses
PO Box 280, Ingleburn NSW 1890
Australia

Privaatheidsbeleid

Christian Congregation of Jehovah’s Witnesses (ABN 94 315 750 845) (CCJW) is toegewyd om jou privaatheid te beskerm en te respekteer. Die sekuriteit en vertroulikheid van jou persoonlike inligting is vir ons baie belangrik.

Hierdie Privaatheidsbeleid bevat inligting oor hoe ons persoonlike inligting insamel, hanteer en beskerm. Dit beskryf ook wat om te doen as jy enige vrae het of as jy ’n klagte het.

In hierdie beleid het die terme “persoonlike inligting” en “sensitiewe inligting” die betekenis wat dit in die Privaatheidswet van 1988 (Cth) het. Persoonlike inligting sluit inligting of ’n opinie in, of dit nou waar of vals is, oor ’n geïdentifiseerde individu of 'n individu wat redelik geïdentifiseer kan word. Sensitiewe inligting sluit inligting in oor ’n individu se ras of etniese oorsprong, godsdiensoortuigings of -verbintenisse. Die term “webwerf” of “webwerwe” sluit jw.org en ander webwerwe in wat daarmee te doen het (soos apps.jw.org, tv.jw.org, stream.jw.org en wol.jw.org) wat besit word deur Watchtower Bible and Tract Society of New York, Inc. (WT-New York). Indien jy enige vrae het or die beleide van WT-New York, kyk asseblief na die beleide wat gelys word op jw.org.

Deur die webwerwe te gebruik of om ons van jou persoonlike en/of sensitiewe inligting te voorsien, gee jy toestemming dat ons jou persoonlike inligting insamel, hou, gebruik en bekend maak soos uiteengesit word in hierdie beleid.

INSAMELING, GEBRUIK EN BEKENDMAKING VAN PERSOONLIKE INLIGTING

Ons samel jou persoonlike inligting in, ons gebruik dit en maak dit bekend net as dit nodig is om ons godsdiens- en vrywilligerdoeleindes en bedrywighede te vervul.

Die hoofmanier hoe ons jou persoonlike inligting kry (insluitende sensitiewe inligting), is wanneer jy dit vir ons gee en wanneer jy dit instuur deur middel van ’n webwerf. Byvoorbeeld, wanneer jy apps.jw.org gebruik om ’n aanlyn donasie te maak aan ’n gemeente of kring in Australië.

Persoonlike inligting wat ingestuur word, word gebruik vir die doeleindes wat aan jou bekend gemaak is toe jy dit instuur. Hierdie doeleindes sluit die volgende in:

Donasies. As jy ’n geldelike donasie op ’n webwerf maak (soos apps.jw.org) aan ’n gemeente of kring in Australië, kry ons jou naam, kontakbesonderhede en kredietkaart- of ander betaalbesonderhede. Om donasies deur middel van kredietkaart te aanvaar, gebruik ons geakkrediteerde aanlyn betalingsproses-dienste met wêreldklas-sekuriteit en data-privaatheidsbeleide. Ons ontvang dalk finansiële inligting, soos ’n kredietkaart- of debietkaartnommer wat nodig is om jou donasie te verwerk, om nodige inligting te stuur aan die dienste wat dit verwerk. Ons plaas die volle bedrag van jou donasie oor na die gemeente of kring wat jy gekies het. Maar ons maak nie persoonlike inligting bekend aan die gemeente of kring wat jy gekies het nie, of ons maak seker dat daar geen manier is om jou te identifiseer nie voordat ons dit bekend maak.

Ons hou rekords van finansiële transaksies vir ’n minimum van sewe jaar sodat ons aan die standaarde van rekeningkunde voldoen. Ons hou ook hierdie rekords sodat ons op enige vrae kan reageer wat jy gedurende hierdie tydperk het. Ons sal jou nie kontak om vir addisionele donasies te vra nie.

Ander doeleindes. Jy kan persoonlike inligting instuur (soos jou naam, posadres en telefoonnommer) vir ander doeleindes in plaas van ’n donasie. In elke geval sal die doeleinde waarvoor jy gevra word om persoonlike inligting te gee, duidelik uiteengesit word.

Ons samel persoonlike inligting in, gebruik dit en maak dit bekend vir die primêre doel waarvoor dit ingesamel word of vir ’n sekondêre doel wat verband hou met die primêre doel, waar jy kan verwag dat jou inligting bekend gemaak sal word vir daardie sekondêre doel. Wanneer dit kom by sensitiewe inligting, sal ons net inligting bekend maak wat direk verband hou met die primêre doel.

Ons kan ook jou persoonlike inligting gebruik of bekend maak, byvoorbeeld: (1) wanneer dit nodig is om dit te doen sodat jou donasie verwerk kan word of om die diens te verrig waarvoor jy gevra het en ons dit aan jou bekend gemaak het; (2) as ons dink dat dit nodig is om te voldoen aan ons wettige verpligtinge; (3) as ons dink dat dit nodig is vir aktiwiteite wat verband hou met wetstoepassing; of (4) as dit nodig is om bedrog op te spoor en te verhoed vir sekuriteits- of tegniese situasies.

Tegniese ondersteunings-spesialiste het toegang tot inligting wat voorsien word wanneer jy ’n donasie maak of wanneer jy jou persoonlike inligting instuur vir ander doeleindes. Dit is sodat hulle take kan verrig wat verband hou met die werking en instandhouding van ons inligtingstegnologie (IT). Enige persoonlike inligting wat jy instuur, sal onder geen omstandighede verkoop, verruil of verhuur word nie.

Anders as wat bo gesê word, kan jou persoonlike inligting net aan ’n derde party bekend gemaak word as jy toestemming daarvoor gee of as die Australian Privacy Principles ons toelaat om dit te doen.

Ons hou die inligting net so lank as wat dit nodig is vir die doeleindes of vir wettige doeleindes wat dalk van toepassing is.

Dit is altyd jou keuse hoeveel inligting jy met ons wil deel. Wees asseblief bewus van die feit dat as jy nie persoonlike inligting instuur waarvoor daar gevra word nie, ons dalk nie jou donasie kan verwerk of kan reageer op jou versoek of ander probleme nie.

BUITELANDSE BEKENDMAKING VAN PERSOONLIKE INLIGTING

Soos met aanlyn donasies, maak ons gewoonlik nie jou persoonlike inligting aan ontvangers oorsee bekend nie. Maar party bedieners wat gasheer vir die webwerwe is, is in die Verenigde State van Amerika.

Partykeer kan ons jou persoonlike inligting buite Australië bekend maak (byvoorbeeld, om ’n versoek wat jy gemaak het, te verwerk). Dit kan lande insluit wie se wette verskeie standaarde van data-/sekuriteitsbeskerming het wat nie altyd dieselfde is as die standaarde van die data-/ sekuriteitsbeskerming in Australië nie. Let asseblief op dat as ’n ontvanger oorsee die wette van die Australiaanse privaatheidsbeleid oortree, ons nie onder die Privaatheidswet verantwoordelik gehou kan word nie. En jy kan dit ook nie regstel onder die Privaatheidswet nie. Deur die webwerf of webwerwe te besoek en deur met ons te kommunikeer (elektronies of op ’n ander manier), gee jy toestemming aan hierdie buitelandse bekendmaking van jou persoonlike inligting.

STORING EN SEKURITEIT VAN INLIGTING

Die sekuriteit en vertroulikheid van jou persoonlike inligting is vir ons baie belangrik. Ons gebruik die nuutste sekuriteitstegnieke en tegnieke om data te stoor om jou persoonlike inligting te beskerm teen: Ongemagtigde toegang, verkeerdelike gebruik of bekendmaking daarvan, ongemagtigde veranderinge, onwettige vernietiging of om dit per ongeluk te verloor. Ons hou jou persoonlike inligting net vir so lank as wat dit nodig is vir die doeleindes waarvoor dit ingesamel is en om te voldoen aan enige wettige verslaggewing wat van toepassing is of die vereistes om dokumente te behou.

Ons gebruik rekenaarstelsels met beperkte toegang tot toegangsprotokolle, wat in fasiliteite aangehou word met fisiese, elektroniese en prosedure-sekuriteitsmaatreëls om vertroulikheid en sekuriteit van inligting wat aan ons gestuur word, te beskerm. Ons het streng sekuriteitstandaarde om enige ongemagtigde toegang te verhoed.

TOEGANG TOT OF REGSTELLING VAN JOU PERSOONLIKE INLIGTING

Ons neem redelike stappe om seker te maak dat persoonlike inligting akkuraat is en op datum gehou word vir die doeleindes waarvoor dit ingesamel is. Jy het die reg om toegang tot die persoonlike inligting wat ons oor jou het, te kry en om iets daarin reg te maak deur ons te kontak. Ons sal jou vra om jou identiteit te bevestig voordat ons op jou versoek reageer. Ons sal op jou versoek reageer so gou as wat dit uitvoerbaar is.

PROBLEEM OF KLAGTE

Indien jy enige vrae het oor ons privaatheidsbeleid, of as jy dink dat ons nie aan die Privaatheidswet van 1988 (Cth) voldoen wanneer dit kom by jou persoonlike inligting nie en as jy ’n klag wil lê, kontak asseblief:

Data Protection Contact
Christian Congregation of Jehovah’s Witnesses
PO Box 280, Ingleburn NSW 1890
Australia

As jy ’n klag gelê het, sal ons jou klag ondersoek en op jou versoek reageer so gou as wat dit uitvoerbaar is. As jy nie tevrede is met hoe jou privaatheid-verwante-klag deur ons hanteer is nie, kan jy jou klag na die Kantoor van die Australian Information Commissioner (OAIC) verwys.

BYWERKINGS AAN HIERDIE PRIVAATHEIDSBELEID

Hierdie privaatheidsbeleid kan van tyd tot tyd bygewerk word. As dit nodig is om hierdie beleid te verander, sal ons bygewerkte beleid op jw.org gesit word sodat jy altyd bewus kan wees van watter inligting ons insamel en hoe ons dit hanteer. Kyk asseblief gereeld of ons beleid bygewerk is.

Bygewerk op 25 Mei 2020

Versoek is ontvang.